Kirurgët në Oksford kanë kryer transplantin e parë të mitrës në Mbretërinë e Bashkuar.
Pranuesja e kësaj mitre ishte një grua 34-vjeçare dhe donatori doli të jetë motra e saj 40-vjeçare, raporton BBC përcjell Gazeta Shneta.
Një ekip prej më shumë se 30 vetësh kanë realizuar procedurat, që zgjatën rreth 17 orë, në sallat e operacionit në spitalin Churchill në muajin shkurt.
Prof. Richard Smith, kirurg gjinekologjik, i cili drejtoi ekipin e dhurimit të organeve, ka kaluar 25 vjet duke studiuar transplantin e mitrës. Ai i tha burimit BBC-së, se ishte një “sukses masiv”.
Mes tjerash u shpreh: “E gjithë kjo ishte emocionale. Mendoj se të gjithë ishim pak të përlotur më pas.”Kirurgja e transplanteve Isabel Quiroga, e cila udhëhoqi ekipin për implantimin e mitrës, tha se pranuesja e mitrës ishte e kënaqur:“Ajo ishte absolutisht mbi hënë, shumë e lumtur dhe shpreson që të vazhdojë të ketë jo një por dy foshnje. Barku i saj po funksionon në mënyrë perfekte dhe ne po monitorojmë përparimin e saj nga afër.
”Gruaja kishte menstruacionet e para dy javë pas operacionit. Ashtu si pacientët e tjerë të transplantuar, ajo duhet të marrë ilaçe imunosupresive për të parandaluar refuzimin e indeve. Këto bartin disa rreziqe shëndetësore afatgjata, kështu që mitra do të hiqet pas maksimum dy shtatzënive.Ajo ka lindur me një gjendje të rrallë, Tipi 1 Mayer-Rokitansky-Küster-Hauser (MRKH) ku mitra mungon ose është e pazhvilluar, por ka vezore funksionale.
Para operacionit ajo kishte trajtuar fertilitetin me burrin e saj dhe ata kanë tetë embrione në ruajtje.Kostot e NHS, të vlerësuara në 25,000 £, u paguan nga organizata bamirëse Womb Transplant UK.
Më shumë se 30 persona në staf të përfshirë dhanë kohën e tyre falas në atë ditë.Në vitin 2014, një grua në Suedi u bë e para që lindi një fëmijë si rezultat i transplantit të mitrës.Që atëherë, 100 transplante të mitrës janë kryer në mbarë botën dhe kanë lindur rreth 50 foshnja, kryesisht në SHBA dhe Suedi, por edhe në Turqi, Indi, Brazil, Kinë, Republikën Çeke, Gjermani dhe Francë.
